日職　普多斯基首演得半場貨仔

普多斯基日本首演得半場貨仔！日職神戶勝利船周六客場友賽仙台維加泰，普多斯基披起神戶10號波衫正選亮相，佢開波1分鐘就頭威頭勢，喺禁區外左路抽射，可惜越楣高出，其後只係表現平平，下半場開波仲被換走，狀態明顯未夠，結果場波雙方2比2握手言和。雖然冇乜貨交，普多斯基人氣依然旺盛，周五仲做埋職棒東北樂天金鷹對歐力士野牛場波嘅開球禮嘉賓，日本傳媒話估唔到佢踢波擅長用左腳，棒球投球就用右手，「王子」笑住話係要控制一下球速喎。