港超聯 陳偉豪加盟夢想FC做隊長

20170726
東網電視
更多新聞短片
於今夏新埋班的夢想FC,周三(26日)上午在石硤尾運動場正式開操並舉行記招,球隊管理層和職球員亦首次亮相。證實加盟的前港隊隊長陳偉豪成為了是日焦點,行政總裁梁智駒更透露,球會正進行一些長遠計劃,希望朝建立如銀禧足球部訓練基地的目標進發,令一眾本地年青球員有更佳的發展!
夢想FC今夏簽入柏保路、加倫、拿祖、祖亞昆及雷斯5名西班牙兵,以及上季効力標準灝天的南韓亞援尹東憲,另外亦有陳偉豪、黃耀富及梁國威等具經驗華將在陣,其為球迷熟悉的管理層及教練團包括梁志榮、招重文、李思明及歐偉倫等港甲名將,實行「以老帶新」。球會行政總裁梁智駒在記者會上透露,會方目前已計劃在屯門翻新一間空置的宿舍,並建立一個人造草球場作為球隊基地,暫定明年將會動工,而原本打算申請以屯門鄧肇堅運動場作主場,卻因為手續需時而改用青衣運動場。
前季執教夢想駿其獲得不俗評價的主教練梁志榮,則強調自己比較重視年青球員發展:「希望有人知道佢哋(隊中年青球員)嘅存在,無論喺任何年齡層都持續入選香港隊。球隊成績對我嚟講係比較次要,當然以球會立場都要喺成績方面着想,但係球員發展對我嚟講係首要,希望阿Kim(金判坤)會選一兩個球員入港隊,等佢哋可以體驗一下。」球隊大軍將於8月7日出發前往泰國集訓,屆時將會與泰國不同級別的球隊拍跳6至7場。
獲委任為隊長的陳偉豪,坦言跟新東家傾談合作時已一拍即合:「其實同夢想傾嘅時間唔多,因為大家本身都好熟,理念亦相近,加上教練團全部都係『體院仔』,嚟緊目標係有自己嘅球場,建立自己嘅年青球員。」對於今次「落山」轉投一支「青春班」球隊,「豪哥」則認為是一個合適的決定:「踢呢兩隊波性質唔同,踢南華競爭大,目標亦唔同,反而呢度適合自己年紀。始終同年青球員踢,希望可以幫到佢哋。喺足球嘅經驗或知識,我係比佢哋豐富,希望可以透過我嘅一啲經驗可以灌輸畀佢哋,而令佢哋成長得更快。我以前踢流浪性質都一樣,都係由經驗好嘅球員帶住我哋,希望日後可以喺香港隊見到更多本地球員。」
夢想FC 17-18球季職球員陣容:
行政總裁:梁智駒
總監:歐偉倫
副總監:李思明
技術總監:招重文
主教練:梁志榮
教練:冼家裕
守門員教練:鄭皓文
體能教練:蔡振賢
門將:屠俊翹、謝家榮
後衛:柏保路、陳偉豪、黃耀富、陳湛羲、林衍廷、梁國威、黃志聰、羅梓駿、雷文迪
中場:鄭展龍、加倫、林雲傑、黎厚希、劉德仁、尹東憲、祖亞昆、李嘉進、潘柏安
前鋒:播磨浩謙、雷斯、朱偉鈞、拿祖