勁難捕捉！杜奧巴超級罰球冇得頂
20170807
東網電視
更多新聞短片
（互聯網圖片）
39歲又點呀？有卡士、有實力的話，一樣可以轟入世界波！前車路士殿堂級射手杜奧巴，今季成為美甲鳳凰重生，其中一位老闆兼球員，雖然年紀一把但依然大把貨賣，剛啱對洛杉磯銀河二隊就轟入35碼超級罰球，個波好似子彈一樣直飛門將左上角。唔好話呢位銀河二隊門將，相信就算保方守龍，都一樣波皮都摸唔到！
杜奧巴於今年6月加盟鳳凰重生，到依家已經射入5球，今仗對銀河二隊，杜奧巴呢個靚罰球為球隊先開紀錄，帶領鳳凰重生最後贏2:0完場。賽後對手領隊表示：「今場我哋已經盡咗力嘜佢，但杜奧巴呢個罰球實在太勁。面對一級球員，有時對手只能向佢除帽致敬。」
即到彩報星club熱身賽專頁:
東網體育同你追實體壇每個精彩時刻！