英超　莫拉達揭幕擔正　干地：迪哥冇得留低

即上墨超刨績王：http://win.on.cc/ligamx　

車路士射手迪亞高哥斯達，早前自爆被領隊干地放棄，加上車仔以7,000萬鎊(約7.1億港元)羅致皇家馬德里射手艾華路莫拉達，迪哥注定冇得留低。

早前傳過AC米蘭想借用呢位狂牛射手半季，但係最後就冇成事，而迪哥前東家馬德里體育會，要到1月轉會禁令解封先可以出手，迪哥依家只可以喺車仔呆等。

走唔到會唔會有機會上陣呢？干地周三就重申，佢對迪哥睇法冇變，唔需要再講多次，仲暗示首戰會由莫拉達擔正：「莫拉達雖然後生，但係經驗豐富，係一個我好信任嘅球員。佢喺車仔前途無限。佢會唔會正選上陣？佢訓練個時表現好好，而且已經開始明白車仔嘅風格。」

東網體育同你追實體壇每個精彩時刻！