【第五章】英超亞洲盃王者＝有盃落袋
20170810
東網電視
更多新聞短片
即上墨超刨績王：http://win.on.cc/ligamx
今年喺香港舉行嘅英超亞洲盃堅受歡迎，原來近年訪港參賽奪冠嘅球隊，喺緊接1季必定有盃落袋！2007年夏天，由老帥夏利列納帶領樸茨茅夫訪港，喺決賽憑互射12碼贏利物浦4比2捧走英超亞洲盃，之後1年就勇奪英格蘭足總盃，成為呢支當時尚未遭遇財困嘅球隊最後榮光。2011年夏天，車路士訪港以2比0輕取阿士東維拉封王，翌年由中途接手嘅主帥迪馬堤奧創造奇迹，不但勇奪英格蘭足總盃，更憑互射12碼擊敗有主場之利嘅拜仁慕尼黑，首度贏得歐聯。
去到2013年夏天，曼城喺「香港大農場」1比0險勝新特蘭，首捧英超亞洲盃，之後1季於季尾反壓利物浦成為英超盟主，睇嚟香港堅係冠軍隊嘅福地！上個月以2比1反勝「狐狸」李斯特城贏得英超亞洲盃嘅利物浦，梗係想沾到呢股「香江旺氣」捧盃而回，但係咪失落27年嘅英格蘭頂級聯賽冠軍呢？就要睇佢哋嘅造化喇。
東網體育同你追實體壇每個精彩時刻！