【特朗普盯死】前巴塞球員係販毒組織成員!

20170810
東網電視
更多新聞短片
即上墨超刨績王:http://win.on.cc/ligamx 
前巴塞隆拿球星、墨西哥國腳馬基斯成為美國總統特朗普眼中釘!美國財政部周三公布一份國際毒犯科里斯販毒集團名單,喺超過20人嘅黑名單當中,赫然發現墨西哥球星馬基斯個名!據報馬基斯同科里斯關係密切,甚至透過自己嘅足球學校同其他體育活動為販毒集團洗黑錢!
特朗普今年2月曾經承諾會打擊美國境內販毒組織,而科里斯嘅集團就係其中一個最大規模嘅販毒組織,消息指呢個組織嘅總部位於墨西哥瓜達拉哈拉,而且馬基斯目前效力嘅墨超球隊阿特拿斯,正係位於呢個城市。報道話馬基斯喺美國嘅所有資產都已經被凍結。
消息曝光後,馬基斯即時公開否認,佢親自現身向傳媒讀出聲明:「我堅決否認同呢個組織有任何關係。我明白依家要面對嘅法律問題,我嘅團隊會盡快向有關當局澄清。」馬基斯同時希望傳媒唔好騷擾佢家人,指依家佢一家正面對「困難時刻」。
東網體育同你追實體壇每個精彩時刻!