【大專籃球】11球3分波！何倚富領城大奪第5

「JORDAN BRAND INVITATIONAL 2017」大專邀請賽，周日(27日)在旺角麥花臣場館進行名次賽。雖然受到颱風「帕卡」吹襲影響，令中大對職訓局的第7名次賽順延至31日上演，但是日仍然有3場賽事繼續舉行，城大在何倚富轟入49分下，以109比71大勝公大奪得第5名，至於樹大則以83比71反勝恒管，以第11名完成賽事。

頭場上演的「公城戰」初段戰況緊湊，公大的魏詠輝首節攻入6分，帶領球隊以19比17領先首節。不過城大打穩陣腳後取回攻勢，以43比30反先半場，加上陳奕駒11分19籃板和李嘉煒14分11籃板齊齊取得雙雙，更有射手何倚富全場轟入11球3分波，豪取最高的49分，帶領城大以109比71大勝公大，以第5名完成賽事。

雖然城大以大勝完成賽事，但教練趙永良就不太滿意球隊表現，賽後更足足訓話半小時：「滿意球員喺進攻端嘅表現，但係球隊太遲入局，而且可能有啲輕敵，表現唔夠集中，準備得唔夠好，加上球員喺場上又唔溝通，呢啲地方都需要改善。」

他又大讚贏波功臣何倚富的演出：「我認為佢今日係無得挑剔，打好啲絕對有機會成為未來港隊嘅年輕力量！」不過何倚富就認為自己今仗未在狀態，可做得更好：「自己唔太算滿意今日表現，暑假有其他事分心，自己唔喺最佳狀態，今場表現一般，只係手風順同埋對手唔強，希望可以再打好啲！」

緊接出場的樹仁大學半場以32比39落後，不過憑陳雋暉攻入全場最高的37分，加上吳志峰10分和17個籃板的雙雙數據，最終以83比71反勝恒管，取得球隊於今屆賽事的首場勝仗，亦令他們以第11名完成賽事。