美網 舒娃贏外卡大戰寸番禾琪

20170902
東網電視
更多新聞短片
舒拉寶娃連贏兩盤淘汰姬蓮。(美聯社圖片)
俄羅斯天后舒拉寶娃喺美網以7:5同6:2嘅連贏兩盤姿態,擊敗美國嘅姬蓮,事隔3年重返16強,將會同拉脫維亞嘅莎華絲杜娃爭奪8強席位。今場係本世紀以來,首次喺大滿貫第3圈出現嘅外卡大戰,舒娃喺第1盤險勝後,打到第2盤發力,最後喺尾段連贏3局過關,成為2013年美國嘅華絲姬後,首個以外卡身份躋身美網16強嘅球員。另外,賽前舒娃被禾絲妮雅琪寸,話佢霸住中央場扮主角,搞到佢忍唔住反擊:「呢啲說話唔會影響我,最重要係我已經打到第4圈,我唔知佢依家打到咩階段。」
東網體育同你追實體壇每個精彩時刻!