港超聯　有肚腩又點？盧卡斯照食大四喜

今季加盟傑志後，不斷遭部分球迷嘲笑有個「大肚腩」的盧卡斯，周日（10日）面對夢想FC獨取4球，協助球隊大勝一場外，自己亦當選東網評述的Man of the match。是役盧卡斯演出搶鏡，不僅頭頂腳踢建功，更助攻予盧均宜射入靚波，下半場一記凌空倒掛雖然未能命中目標，但仍換來球迷雷動掌聲。

是役盧卡斯入波後，將皮球放入球衣內「扮大肚」，難道是向嘲笑他「大肚腩」的「口痕友」還擊？英語屬「有限公司」的他透過翻譯表示：「當然唔會啦！我就做爸爸啦！太太Laura Dalla己經嚟到香港，佢預產期喺今年12月，大家都好期待小生命嘅來臨。」