社區盃　堅集體回憶！雷神大戰桂神

賽馬會社區盃傑志鬥東方龍獅，將於今個星期六（9月23日）喺旺角場上演，正本戲梗係精彩啦，但兩場頭場嘅其中一場，亦絕對唔可以錯過，就係由著名騎師莫雷拉所帶領嘅雷神邀請隊，會硬撼由黃興桂所率領嘅桂神邀請隊，到時落場嘅球員就勁到嚇親人，當中包括山度士、李健和、劉榮業、鍾楚維、施維山同陳發枝等，呢個陣容，真係乜嘢回憶都返晒嚟！

呢場別開生面嘅波、馬Crossover賽事，堅係星光熠熠，相信好多上一代嘅球迷，都好想睇昔日偶像再次落場嘅風采，呢場波將於當日下午3點50分開賽，到時東網ON.CC將會現場直播，大家唔好錯過喇！

雷神邀請隊陣容名單

莫雷拉、黃文偉、劉榮業、李健和、山度士、陳志康、陳樹明、法比奧、史卓豐、潘頓、田泰安、柏寶、何澤堯、羅繼華

教練（兼球員）：伍碧權

領隊：鄧文豪

桂神邀請隊陣容名單

鍾楚維、施維山、陳發枝、祈普敦、范俊業、卓卓、李福榮、李寶利、郭能、譚兆偉、羅理雅、梁家俊、楊正光、巫顯東

教練：黃興桂

領隊：余錦基