國際賽　南韓砌全外流兵陣同俄羅斯拍跳

即上英超刨績王：http://win.on.cc/epl　

亞洲足球強國南韓真係人材濟濟，喺佢哋啱啱公布嘅下月友賽俄羅斯同摩洛哥嘅23人大軍名單，主帥申台龍竟然砌得出一張全外流兵名單，連一個喺韓職搵食球員都冇。唯一可惜，係有「南韓美斯」之稱嘅19歲天才李昇祐冇份，睇嚟出年想睇佢踢世盃決賽周機會都幾渺茫。

申台龍解釋作出史上首次用全外流兵嘅原因，其實絕對唔關話國內搵食球員夠唔夠班問題，佢話只係因為家陣韓職踢到關鍵時候，唔想抽調國內球員影響佢哋比賽成績。睇番今次名單，3名英超兵包括孫興民、奇誠庸同李青龍當然係重心；至於今年8月離開咗巴塞隆拿，過咗檔去意甲維羅納嘅李昇祐，則因為上陣時間唔多，仲未得到申台龍召喚。

南韓會喺下月7日作客莫斯科與俄羅斯拍跳，至於原定10號喺法國同突尼西亞友賽，則因為突尼西亞足總內部問題取消，預計會改喺瑞士同摩洛哥交手。

東網體育同你追實體壇每個精彩時刻！　

http://bit.ly/2ecTF2A