日職 水手前鋒齋藤學養傷8個月
20170927
東網電視
更多新聞短片
即上英超刨績王：http://win.on.cc/epl
日本出年踢世盃肯定少咗件通天老倌，因為橫濱水手前鋒齋藤學要養傷8個月！呢位27歲攻擊球員，喺上星期日職出戰甲府風林場波受傷，經詳細檢查之後，證實右膝前十字韌帶撕裂，目前等緊膝頭哥消腫，大概要喺2至4個禮拜內做手術，休息期更長達8個月，肯定錯過明年日職開咧同世界盃決賽周。由於齋藤學盤扭技術出眾，中前場幾個位都踢得，所以係公認嘅世界盃最佳備用球員，依家佢跛咁耐，日本國家隊同橫濱水手一齊受害。
東網體育同你追實體壇每個精彩時刻！