拖老婆捱過艱苦日子 趙俊傑帶家人走出劏房

20170928
東網電視
更多新聞短片
「阿姜18歲同我一齊,之後結咗婚要住劏房!到依家佢為我生咗一仔一女,都係住緊劏房!呢幾年最對唔住佢嘅係,我畀唔到一個完整嘅『家』佢……依家照顧一家四口嘅責任,成為我踢好每場波嘅最大動力,因為咁我先可以賺多啲錢,一步一步擺脫個劏房,畀美滿嘅『家』佢哋!」理文後衞趙俊傑眼泛淚光地說。圖/文:司徒子文
單看外表,趙俊傑黑黑實實、神高神大、又一頭長髮,絕對是粗人一名!問到太太「阿姜」為甚麼會喜歡這「野人」,她一面滿足表示:「佢只係得個惡樣,其實內心係一隻『小綿羊』,對人好有禮貌又細心!」
「幸福係老公將家放第一位」
不過,兩人認識時,正是「阿傑」以及球市的低潮,艱辛到每日也是「豉油撈飯」。問到當時為何肯把自己的下半生幸福交給一個「豉油撈飯」的人,「阿姜」卻坦言一直過得幸福:「我唔認為物質能夠令人幸福!開包薯片嚟撈飯好簡單、5蚊買一包腸仔又可以食兩餐……最重要係佢永遠將我同屋企人放第一位去保護,呢種先叫做幸福!」趙俊傑說:「我記得以前老婆同我講過,自細夢想屋企有個鋼琴,但每次搬間屋都好細,放到張床就放唔落個琴!雖然佢無怪過我,但我一直放喺心!」「阿姜」聽到這番話,相信一定會甜在心頭吧!
人生低潮加人工轉會理文
「阿傑」永遠都把「家」放在第一位,即使兩年前曾失意轉到灝天黃大仙而大減薪金,但他寧願多做幾份兼職,自己一個人揹上這副重擔。回想起那段艱辛歲月,「阿傑」也大嘆很苦:「除咗踢波,我仲兼顧做水電同埋教波,希望可以維持屋企運作。雖然辛苦,但我娶得老婆、生得仔女就要負起責任。不過,有時真係好攰,連老婆都心痛,甚至咁多年嚟第一次叫我唔好再踢波……我聽到就更痛!好彩喺嗰年我唔放棄又踢得幾好,得到依家理文老闆(李文恩)同奇哥(馮嘉奇)賞識邀請轉會加人工,令我嘅生活似番生活!」
上個月「阿姜」為趙家添了位新成員,就是「細仔」子博,與兩歲的家姐梓彤湊成「好」字!被問到仍居在劏房的他們,何以在狹小環境養活兩兒?「阿傑」認為這正是讓他繼續在球場上奮戰的動力:「有次帶梓彤去外母屋企食飯,佢好開心咁四圍走,仲食好多飯,但返到嚟就無咁嘅活動空間畀到佢,真係幾心噏!但正好提醒自己有責任搵錢養家,所以一定要踢好啲波!因為我只能夠靠呢雙腳,去為屋企人改變家庭環境,畀佢哋住得舒服啲,畀到一個美滿嘅『家』佢哋!」
東網體育同你追實體壇每個精彩時刻!