英超 連迪路夫累街坊 未婚妻變曼迷出氣袋
20171022
東網電視
更多新聞短片
即上英超刨績王：http://win.on.cc/epl
曼聯周六晚喺英超意外輸畀哈特斯菲爾德，後備入替受傷菲爾鍾斯嘅瑞典中堅域陀連迪路夫，上陣唔夠10分鐘即連輸2球，第1球先被對手玩到陀陀擰，第2球直頭漏頂送對手單刀入波，賽後自然成為曼聯粉絲炮轟目標，最慘係域陀連迪路夫未婚妻Maja Nilsson，慘成球迷出氣袋。
Maja Nilsson今季隨域陀連迪路夫登陸英超後，都有唔少高見發表，包括嫌奧脫福球場嘅包廂價格昂貴，怨男友喺英超冇上陣機會等等，周六晚一仗佢亦有入場，並喺IG貼出哈特斯菲爾德主場相片，結果張相就成為球迷發洩渠道。
大批曼迷留言炮轟域陀連迪路夫，而且仲非常刻薄，包括「你可以幫你老公執定包袱，佢應該捱唔到去1月」、「你尋晚同域陀連迪路夫搞乜？搞到今日踢成咁」、「垃圾夫婦，死返去賓菲加啦」
東網體育同你追實體壇每個精彩時刻！