【港超專版】馮奇英超啟示:要搞賭波合化法

20171025
東網電視
更多新聞短片
馮奇對本地球市有獨特睇法。

曾在英超球會做過財務總監的馮嘉奇,去年回歸香港球壇,擔任理文流浪行政總裁!這位CEO今季更御下筆挺西裝,重披波衫兼任「熨手山芋」的領隊職務,場外的他繼續敢言,為球壇增添不少「花生元素」!縱然如此火辣,這位自稱「孭鑊男」拋出金句:「唔怕炒嘅人乜都夠膽講!為香港球壇直諫冇有怕!」圖/文:司徒子文

曾為港隊代表、加上於英國華威大學工商管理碩士學位,「馮奇」球員年代已相當出位,退役後更獲薦成為當時英超球隊伯明翰的財務總監,風頭一時無兩!直到去年夏天,「馮奇」決定返港出任理文流浪CEO,再在今個球季成為自立門戶的理文CEO兼領隊,他直言一切只為回饋香港球壇:「歐洲波比香港波搞得好。我就係想將喺英超經歷過嘅先進嘢,帶返嚟香港,令球壇進步!」

提出問題 令大眾注視

不過也有球圈人士批評「馮奇」開口埋口都是「英超」,規模相隔十萬八千里,難免有「離地CEO」感覺,「馮奇」為此平反:「我都知有距離,就係想將距離拉近!有人質疑外國果套唔啱香港,但其實我都係喺呢個圈子長大,亦都經歷過資源緊絀時期,梗係知道有咩係可行、有咩唔可行,所以經已按實際情況調整過。如果你執意合埋眼話乜都做唔到,咁咪做唔到囉!」早前「馮奇」就與圈內人士因球員薪酬待遇起罵戰,但他直言不介意為此而樹敵,因為就是有人把實際情況「心口掛着勇」地說出來,才能令大眾注視問題。「馮奇」更強調一向都是「泥水佬造門」:過得自己過得人!

兼任領隊最緊要冇顧慮

今個球季「CEO馮奇」更兼任領隊一職,他直言要「唔怕炒」先可做得好:「其實領隊係最『孭鑊』位,每次成績唔好都係炒領隊而唔係炒球員。依家教練團有殿堂級嘅平哥(陳鴻平)、林Sir(林慶麟)、又有馮Sir(2013年最佳教練馮凱文),經驗一定好過我,但佢哋個個有大有細,得我唔怕炒,惟有出嚟頂埋,同老闆講球隊成績唔好就由我孭,咁佢哋先可以無壓力下各司其職!」

要在球圈樹敵做醜人、隊內又做「孭鑊男」,但「馮奇」樂得自在:「天將降大任於斯人,必先勞其筋骨!一個人去得多地方,眼界就會擴闊,胸懷都會大啲,唔使理啲小事,知道自己堅持嘅方向就夠!」果然是「球壇黎明」,金句需要些時間消化!

爆港超全球投注額達18億 奇招助球市

問及馮嘉奇有何「奇招」推動球市時,他直言本地波賭博合法化是其中一種方法:「我唔係鼓吹賭波,但我喺英國親身經歷過,點解人哋咁蓬勃,都因為賭!好似佢哋球場入面一塊廣告版已經值10萬,咁啱兩年前我喺香港搞個英超大師賽,有賭波公司開出10萬蚊嘅廣告板贊助,但因香港法例而告吹。」

「唔應該當無事發生」

馮奇續指:「早排足總安排咗個講座,搵咗同55間全球賭波公司作研究嘅SPORTRADAR主講,佢哋就指出港超聯喺全球總投注額高達18億,即係平均每場有2,560萬!我就諗如果有一成現金流入返香港,每場做莊嘅賽馬會可資助10萬、8萬一場畀番球隊,咁樣球員人工自然可以高啲,亦會全心全意去踢足球!我想講嘅係,呢個世界已經確確實實有人賭緊港超,大家唔應該當無事發生,反而要正面啲去睇,點樣規範化而令到香港球壇得益!」