英超　迪布尼金球掛網　曼城繼續無敵

即上英超刨績王：http://win.on.cc/epl　

英超一哥曼城繼續無敵，作客輕取李斯特城2:0。今仗藍月亮有高柏尼復出打正選，阿古路就先做後備。曼城狀態火熱，作客一樣清風送爽，但面對硬淨狐狸久久未能打開紀錄，仲有中堅史東斯受傷離場。但曼城於半場前終於入波，球隊於對手禁區邊打咗個美妙組織，最終由「耶穌仔」加比爾捷西斯建功領先1比0。

換邊後主隊一開波狂攻，哈利馬古尼近門混戰中柱不入，轉頭曼城打反擊，今季弗到震嘅奇雲迪布尼禁區頂左腳怒射掛網，幫曼城擴大領先優勢。曼城比賽末段主要控球在腳，結果順利保住2比0勝果完場。曼城聯賽10連勝後，繼續以12戰得34分高据榜首，同時間開波嘅車路士憑夏薩特梅開二度、艾華路莫拉達及馬高斯阿朗素各建一功，作客以4比0大勝西布朗。

東網體育同你追實體壇每個精彩時刻！

http://bit.ly/2ecTF2A