【港超專版】趙少維：好辛苦，但我鍾意！

網絡常流傳「大學生要做的11件事」等文章，內容離不開叫步入大學的莘莘學子上課要專心、出外闖闖、追追夢，閱畢能踏出那一步的又有幾多人？就讀香港教育大學二年級的趙少維「牛仔」卻把握青春，選擇於大學時期追一個發夢也沒想過能實現的足球夢。

圖/文：胡恩晴

趙少維的足球路始於「街場」，自小喜愛足球的他年幼時常與好友征戰各街場，終於15歲那年加入荃灣區隊接受訓練，2015年更加盟香港超級聯賽球隊黃大仙，同時代表教育大學出戰各大專賽事。

一場友賽改變人生

司職前鋒的他於教大與大埔的一仗友賽，因出色表現獲和富大埔主教練李志堅賞識，經一輪試腳後與隊友梁星耀獲大埔開出一紙合約，從此走上職業足球生涯。「從來都無諗過會成為職業球員，細個一直都係玩玩吓，『堅Sir』搵我嘅時候有啲受寵若驚，真係無諗過會踢有力爭標嘅球會，所以好珍惜呢個機會。短期目標希望多啲參與比賽、爭取上陣機會，同時幫球隊衞冕菁英盃，報答『堅Sir』！ 」

縱然踏上職業足球的無盡旅途、穿上大埔90號球衣，自言比同齡隊友如陳俊樂等遲起步的「牛仔」，面對的是更大壓力、更密集的訓練：「我比同年嘅球員遲起步，一直無接受正統訓練，所以基本功一般。起步遲惟有勤力啲，將勤補拙追番失去嘅時間，練完波又有時間，人哋走晒自己咪再練多啲footwork、射波同傳控球。 」

reg科夾球隊訓練時間

現年21歲的「牛仔」現為體育教育榮譽學士的二年級生，常要大學、球場兩邊走，練習時間並不多。「自己要兼顧學業，好多時功課許可嘅話就早啲做，reg科都盡量揀啲唔撞練波時間嘅堂，盡夾球隊訓練時間，不過一星期都只係嚟到一、兩日。練波加上堂其實都幾chur，有時要好早起身上完堂，再趕過嚟練波。係辛苦，但係自己鍾意，幾辛苦都值得！」

最Like C朗「牛仔」想做「9」仔

教大9號射手「牛仔」趙少維來到和富大埔穿上90號球衣，原來他一直對9號這個「冧巴」情有獨鍾：「最鍾意9號，你見世界級前鋒、球星多數都係着9號，希望自己未來都可以着起呢個『冧巴』上陣。」年輕球員總會以某球星為學習對象，「牛仔」自幼便視皇家馬德里球星C朗拿度為偶像：「我最鍾意C朗拿度，佢以前好瘦，之後一直努力變大隻。我要學佢咁勤力，勤力就會有回報！」