【金球獎】艾菲爾鐵塔型爆獲獎 C朗5度封王

20171208
東網電視
更多新聞短片
即上英超刨績王:http://win.on.cc/epl
C朗再奪金球獎!2017年金球獎香港時間周五凌晨,喺法國巴黎艾菲爾鐵塔舉行頒獎禮。皇家馬德里嘅葡萄牙球星基斯坦奴朗拿度,擊敗死敵美斯同巴西球星尼馬,第5度奪得呢個球壇殊榮,同美斯一齊做奪獎次數最多球員。
32歲嘅C朗今次奪獎之後,同美斯並排喺累積最多奪獎次數第1位。C朗以946分得獎,至於美斯同尼馬就分數一樣並排第2,第4名則為意大利門神保方。
上季帶領皇馬奪得西甲、歐聯冠軍嘅C朗,得獎個時話自己好高興可以攞到獎,仲話金球獎係佢每年都期待嘅頒獎典禮。呢位葡國國腳又話:「上年捧到嘅獎盃對爭呢個獎有好大幫助,所以好多謝皇馬嘅隊友。」
東網體育同你追實體壇每個精彩時刻!