【金球獎】近10年玩晒 C朗期待繼續鬥美斯

2017年12月08日 04:34
東網電視
更多新聞短片

即上英超刨績王:http://win.on.cc/epl

唔講都唔覺,近10屆金球獎,一直都係由C朗同美斯瓜分,真真正正去到「唔係A就係B」嘅程度。C朗香港時間周五凌晨第5度奪得金球獎,得獎個時直言希望可以繼續同美斯鬥落去。

C朗連續兩年攞到獎,追平美斯5奪金球獎紀錄,亦見證佢兩個統治呢個獎足足十年,可能有人會覺得悶,但係呢位皇馬射手就話想繼續:「我希望可以繼續喺呢個水平踢多幾年,希望可以同美斯繼續鬥落去。我今季都覺得自己狀態唔錯,即管睇下下屆可以贏到咩獎。」

C朗唔只話想繼續鬥美斯,仲點名未來嘅主人翁添。呢位葡國國腳話:「尼馬好有才華,而且潛力無限,我肯定佢將來有機會奪得金球獎。」今夏一直盛傳C朗不爽皇馬,有意離開西班牙首都,佢就矢口否認,仲話想喺艦隊踢到掛靴添。

C朗已經贏咗5次金球獎,但係呢位好勝心超強嘅球星,就話好希望贏多兩個,儲夠7個襯番自己波衫冧巴!

東網體育同你追實體壇每個精彩時刻!
http://bit.ly/2ecTF2A