【星球大戰】問忠誠何價？向前看啦！

20180107
  • 東網電視
    更多新聞短片
    即上英超刨績王：http://win.on.cc/epl　
    到最後菲臘比古天奴都係1月出走。
    阿超之前寫過(http://bit.ly/2Aqx3Ug )，利迷們唔使嬲，因為領隊高普有強勁嘅魅力，唔使愁搵唔到替補。
    不過，半夜見到佢話都係要走嘅消息，筆者都係躁咗，狠狠地一拳「咪」咗落張枱。下星期對曼城之後先走唔得嘅？係咪一定要依家走！？
    嬲還嬲，足球世界就係咁樣，有求自然有供；現今球壇「忠誠」二字等於「老乜土」，我呢啲老一派嘅球迷嬲嚟其實好冇意思。
    要留人就要有成績，呢個係球星留隊嘅一大指標。就算你出得起天價薪水，但係莫講贏唔到冠軍，場場都贏唔到，又要踢到咁辛苦，人始終會想走，有時捧盃嘅滋味的確比錢更有吸引力。
    利物浦依家手上有一批好球員，喺我眼中絕對係粒粒皆星，不過利記唔想做農場球會，下下為啲所謂「大球會」供貨，就要爭冠軍，繼續增兵先係出路。走一個古天奴，紅軍唔係要搵另一個/下一個古天奴，而係搵/創造超越古仔嘅球員。談何容易，但係以現時踢法，未來係要有一個咁嘅球員喺場上。
    阿超睇得棒球多，諗嘢好Moneyball。筆者認為，利記呢個1月唔用幾千萬買番個攻中，其實冇乜大礙。埃及美斯、法明奴、文尼三叉戟已成，中場畀韋拿杜姆打番原本位置，雖然創造力略嫌不足，但係「老姆」打番前一格，球隊機動力更進一步。呢位荷蘭球員喺紐卡素時期入波唔少，依家要佢後褪一格，筆者時感嘥料。
    如果真係咁做，1月反而要填補中場球員（筆按：當然買埋龍門就最好啦）。Box-to-box嘅拿比基達要夏天先加盟，安利簡恩似乎唔會續約，隊長軒達臣今季表現不穩，走咗古天奴，老姆壓前，中場戰力突然深度不足，再傷一件好麻煩。
    張伯倫打中間得唔得？筆者唔係話唔得，只係佢對搶截力唔強嘅球隊，打中間係可以，但係英超中場搶截力弱嘅球隊，一隻手都數得晒。
    數漏咗人！我大懵到唔記得仲有拉爾拉拿，實在抵打。
    1月確係要買人，小弟唔係球探，無謂胡亂畀建議買邊個邊個，但係用過6千萬買個球員返嚟，仲要畀時間佢去適應，我寧可喺英超搵個只需要融入球隊嘅球員。筆者相信球探有做嘢嘅，仲有大半個月，即管畀啲時間球會做嘢。
    ●阿超
    東網體育同你追實體壇每個精彩時刻！
    http://bit.ly/2ecTF2A