【震驚馬圈】港產女騎師蔣嘉琦25歲掛靴

東網電視

今日對香港馬圈嚟講，絕對係令人傷感嘅日子，因為一向備受馬迷喜愛，歷來在港贏馬最多女將，亦締造唔少歷史嘅香港現役唯一女騎師蔣嘉琦，喺自己社交網絡撰寫一篇長文，宣布自己因健康理由，被迫放棄策騎事業，正式掛靴，而香港賽馬會亦在中午時間確認此消息。

嘉琦BB喺文中透露多謝香港賽馬會、校長陳念慈同師傅呂健威嘅支持，亦感謝一眾支持自己嘅馬迷。雖然嘉琦BB終於要離開幕前唔再做騎師，相信大家依然會繼續支持佢，希望佢有一個更好嘅未來。

以下就係蔣嘉琦親自嘅引退宣言，大家細心閱讀吧：

對我來說，今日係一個重大的日子。

我明白會有許多人感到驚訝，同時也充滿著疑問，係依六個月養傷期間我除左比自己手部，膝部休養外，亦都有一段安靜日子比自己細想事業同未來。

係依段時間，我同導師和屋企人商量過，成為一個優秀的騎師，過去是我一直努力的目標，但因為健康理由，要放低策騎事業，再探索將來的路應該怎樣走。我自己好鍾意馬亦都好鐘意運動，希望未來可以係依幾類方面發展。

在賽馬生涯學到很多東西，也得到很多支持及愛載(戴)！得到吿東尼獎、香港最受歡迎騎師、在杜拜得到最受歡迎人物獎，一日贏四場賽事等等，很多寶貴經驗，但因為身體健康的考量和家人討論後，決定要離開這個我很喜歡很熱愛的賽馬事業，發展人生新的一頁！

謝謝一直以來支持我的朋友們！

一路走來能夠有你們的加油鼓勵，真的真的覺得自己好幸運！

也非常感謝香港賽馬會，我校長陳念慈以及我的師傅呂健威給予我的所有支持幫助！因為你們～使我能夠有幸在人生的前段就寫下許多成績，這是我最光榮的時刻！

未來～

希望自己把正面開心的精神延續！

開始做更多新的嘗試～

慢慢的往健康、運動的生活方向發展～

讓大家繼續感受陽光歡笑的我！

希望大家也能給我更多的支持及鼓勵！謝謝大家！

on.cc東網