亞冠外　英雄輝：跟住要專心踢決賽

球隊換帥加上經歷兩場敗仗，東方隊長葉鴻輝坦言全隊正處於艱難時間，但希望球員放眼4日後的銀牌決賽，將問題盡快改善：「李sir(李健和)叫我哋唔好諗，都已經過咗去，快啲專注返去之後嘅比賽。今年好多時都係自己有控球權嗰陣，突破失波畀機會人，呢個係我哋要改善嘅地方。決賽無話邊隊強弱，好睇心理，所以希望球員千祈唔好失咗信心，球隊上下要繼續團結。」

新防線組合受到外界批評，阿輝認為球員仍需磨合：「只計比賽表現的話其實我覺得Ok，井川嚟到只係好短時間，無論係我哋或佢都仲要調整踢法，加上呢個時間又換帥，大家都要適應，喺溝通上可以做得更好。」