明星賽組隊完成！大帝揀艾榮喎
20180126
東網電視
更多新聞短片
明星賽組隊完成。(互聯網圖片)
2018年NBA明星賽組隊宣布完成，由於今屆賽事改制，東岸隊長勒邦占士同西岸隊長史堤芬居里有權自己揀隊友，甚至可以選對岸球星幫手，結果大帝揀咗西岸嘅杜蘭特、安東尼戴維斯同古辛斯，東岸球星淨係揀咗同佢反晒面嘅艾榮咋！
勒邦占士嘅選擇，可以話證明咗近年西岸整體實力強過東岸，據講佢嘅首選更加係杜蘭特。另一方面，史堤芬居里嘅選擇玩嘢成份居多，傳聞首選係上屆喺佢趴低後飛身入樽嘅安迪杜甘普，然後揀咗占士夏登、迪羅辛同艾賓特，感覺都幾是但。
勒邦隊
正選：勒邦占士(騎士)、杜蘭特(勇士)、艾榮(塞爾特人)、安東尼戴維斯(塘鵝)、古辛斯(塘鵝)
後備：比爾奧(巫師)、艾迪列治(馬刺)、勒夫(騎士)、韋斯布克(雷霆)、奧拉迪普(溜馬)、普辛基斯(紐約人)、禾爾(巫師)
史堤芬隊
正選：史堤芬居里(勇士)、安迪杜甘普(公鹿)、占士夏登(火箭)、迪羅辛(速龍)、艾賓特(76人)
後備：列拿特(拓荒者)、占美畢拿(木狼)、積蒙格連(勇士)、路維(速龍)、奇利湯臣(勇士)、唐斯(魔術)、荷福特(塞爾特人)
Follow東網體育IG一齊撐本地運動員！
東網體育FB同你追實體壇每個精彩時刻！