轉會神劇！超複雜4角關係點收科？
20180130
東網電視
更多新聞短片
即上英超刨績王：http://win.on.cc/epl
冬季轉會窗進入最後衝刺，阿仙奴可唔可以成功收購多蒙特前鋒奧巴美揚，成為呢幾日嘅焦點，報道話「兵工廠」已經同多蒙特以及奧巴美揚傾掂數，不過要正式落實原來做牽涉埋車路士同熱刺，呢段超複雜4角關係最後點收科呢？
據英國《BBC》爆料，阿仙奴已經傾掂5,500萬鎊收購奧巴美揚，不過多蒙特表明要先物色到替補人選，最方便嘅做法，就係直接接收阿仙奴前鋒基奧特，可惜呢位法國國腳嘅老婆唔肯離開倫敦，結果同屬倫敦嘅豪門車路士加入戰團，如果車仔成功簽入基奧特，就會將後備前鋒巴舒亞伊外借畀多蒙特，實行「3贏」方案。
叫得轉會「神劇」又點會咁順利？消息指車路士認為阿仙奴叫價1,500萬鎊轉會費太貴，自己走去搵熱刺斟介，打算用巴舒亞伊交換熱刺前鋒洛蘭迪，但係巴舒亞伊就拒絕轉投熱刺，令交易又再胎死腹中。想知大結局係點？大家記得留意劇情發展啦！
東網體育同你追實體壇每個精彩時刻！