【堅喇啩】執晒包袱　奧巴美揚抵機場飛倫敦

即上英超刨績王：http://win.on.cc/epl　

奧巴美揚過檔阿仙奴，又邁進一大步！呢名多蒙特神鋒於當地時間周二，同爸爸及兩個兄弟，齊齊大包小袋咁現身多蒙特機場，跟手搭私人飛機飛往倫敦，大有機會係去阿仙奴完成轉會。奧巴美揚身價高達5,500萬鎊，只要阿仙奴肯放基奧特予車路士，車仔又借巴舒亞伊畀多蒙特，奧巴美揚就可順利轉會兵工廠。

奧巴美揚現時於多蒙特嘅官方狀態係「生病」，所以佢可以離隊處理轉會事宜。有當地傳媒拍到，奧巴美揚同家人一行四人，駕車到多蒙特機場，身穿黑色Hoodie嘅佢用帽笠頭，停車後同家人於車上拎出數個行李喼，跟手步入機場。據報道佢會飛到倫敦，會做乜事簡直呼之欲出。

如果完成交易，奧巴美揚將成阿仙奴史上人工最高球員，周薪達18萬鎊，而佢呢次會簽3年半合約。

東網體育FB同你追實體壇每個精彩時刻！

http://bit.ly/2ecTF2A