港超聯　冤家路窄！東方龍獅再撼陽光元朗

收看直播，請按東網APP頂部的直播ICON；或按以下直播Link：http://tv.on.cc/live　

「中銀人壽香港超級聯賽」周日（4日）下午5時30分壓軸好戲，上演高級組銀牌決賽「翻版戰」，由東方龍獅於旺角大球場迎戰陽光元朗。「藍衫軍」現時受傷兵問題困擾，但相隔一周再遇「仇人」，定必谷盡爭勝務求一雪前恥；另邊廂元朗則希望藉捧盃氣勢，轉戰港超聯能成功搶分，逃離積分榜下游位置。

（東網on.cc周日下午5時30分直播）

繼前鋒洛迪古斯在亞冠盃外圍賽對清化一戰拉傷大腿肌肉，要返回西班牙接受治療後，其後在銀牌決賽中，東方龍獅兩位中場主力迪高及梁振邦亦告受傷，令中前場人腳捉襟見肘。事實上，東方最近3場硬仗未嘗一勝，士氣難免受影響，不過今場撞正「冤家」，主教練李健和希望球員打醒十二分精神「捱埋呢場」︰「球員每場落力拚搏，自然有機會受傷，呢點我無法預計到，惟有靠現有兵源去彌補，希望佢哋能夠勝任新安排嘅位置。其實只要捱埋呢場就係農曆新年，隨着休戰期後傷兵復出，到時人腳調動會比較充裕。」

幸好，據「和哥」透露，中場李康廉經已傷愈，原本上仗已打算讓他後備上陣，惟因迪高受傷需要作出戰術上的調動，才令他錯過了落場的機會，今仗則會安排他出任正選。

在高級組銀牌賽「神奇」奪冠的陽光元朗，在聯賽的成績卻未如理想，目前得8分並處於尾二位置，主教練曾昭達表示，球隊現在首要目標是搶分︰「能夠贏得銀牌冠軍非常難能可貴，對球隊上下都有激勵作用，但係我希望球隊嚟緊嘅目標，就係逃離降班區。同時，既然今季已經攞到1個冠軍，可以嘗試贏埋足總盃，嘗試做雙料冠軍！」

然而，「達Sir」亦提醒球員不可鬆懈︰「自己都有踢過波，明白到波係逐場去計，去到聯賽係完全另一場波，或者對手爭勝心會比我哋強，所以喺準備方面要做好啲。」至於早前落實從理文借用的黎耀昌，「達Sir」則指由於他今季上陣時間不多，同時亦需要時間融入球隊，故需觀察其狀態後才作決定。