總結：近8次全美直播全敗！大帝嗌取消
20180204
東網電視
更多新聞短片
勒邦占士(右)得11分、9個籃板同9次助攻。(美聯社圖片)
騎士喺NBA主場以88:120不敵火箭，喪輸32分連主場球迷都喝倒彩，而且勒邦占士全場得11分，導致騎士喺近8次全美直播全敗，賽後大帝唔止批評隊友冇執行球隊嘅戰術，仲發晦氣嗌電視台取消佢哋嘅全美直播添！
比數喺開波冇耐已拋開，結果勒邦占士得11分、9個籃板同9次助攻，湯馬士得12分、7個籃板同1次助攻，導致騎士全場取多落後35分下慘敗。相反，占士夏登有16分、6個籃板同9次助攻，基斯保羅有22分、6個籃板同11次助攻，協助火箭完成3連勝。
由於慘敗場面太難睇，騎士球迷喺比賽中忍唔住開汽水，賽後勒邦占士就發火話：「我哋係有戰術計劃嘅，但大家都冇執行。講真，我唔知講乜好，電視台應該取消我哋嘅全美直播場次，我哋真係打得好差，每次全美直播都被虐待，真係冇嘢講。」
同日，活塞喺主場以111:107擊敗熱火，杜蒙特取得23分、20個籃板、1次助攻同4次封阻，個人今季第6次雙20＋，超越塘鵝嘅古辛斯，單獨成為今季雙20＋之王，同時杜蒙特職業生涯19次雙20＋，原本已經係活塞球會歷史45年來，取得雙20＋最多球員。
最新賽果(左方主場)
快艇 113:103 公牛
活塞 111:107 熱火
溜馬 100:92 76人
魔術 98:115 巫師
騎士 88:120 火箭
木狼 118:107 塘鵝
馬刺 111:120 爵士
金塊 115:108 勇士
帝王 99:106 獨行俠
Follow東網體育IG一齊撐本地運動員！
東網體育FB同你追實體壇每個精彩時刻！