ABL 劉子禮帶頭屠龍：入場捧香港東方！
20180208
東網電視
更多新聞短片
The Club同你追實體壇每個精彩時刻！
東南亞職業籃球聯賽ABL榜首球隊香港東方今日回到主場，大戰馬來西亞飛龍，兩軍今季首度碰頭，三分射手劉子禮呼籲本地球迷撐場：「每一場對東方都好重要，希望球迷親身來支持我哋，捍衛我哋嘅主場！」今季表現趨成熟、進步有目共睹的劉子禮特別感激教練艾度托利斯的「改造」，誓以更佳表現來回報球隊！
近期「藍軍」於籃總盃的表現令人驚喜，全華班上陣的東方，在缺少專心出戰ABL的外援及隊長李琪下，大戰甲一班霸永倫時一度大幅領先。可惜東方未能把握機會，最後被反勝，完場一刻劉子禮激動落淚。「自己尾段抽筋，又踩到隊友腳面，好嬲自己幫唔到球隊。其實係有機會贏，覺得好可惜。」劉子禮直言該仗是「輸經驗」，今次在籃總盃擔起領袖角色亦令自己成長不少：「對大家嚟講，都係很好嘅一課。平時我唔算多嘢講，但依家落到場，變咗最老?個，一定要提場。初頭都唔慣，但都要對自己有個交代。」
「希望藉籃總盃等本地賽，令球迷見到我哋嘅進步。而東方嘅目標，唔係專注呢兩年嘅事，而係希望長遠提升本地籃球員水平，我相信時間會證明一切，我哋都可以挑戰甲一聯賽冠軍。」子禮說。
回到ABL戰線，今晚ABL對手為排行第7的馬來西亞猛龍，這位東方三分射手表示：「返到主場，要做好1對1防守。上場對西貢熱火被對手搶好多籃板球以致輸波，今場對手又善於快攻，同樣唔易應付，所以都係防守行先。」除體能方面要加強，原來「子禮」所選的88號波衫，亦是對自己的另一要求。「好意頭吧，講笑！『8』嘅意思，係希望每場都入8個三分，係一個好重要嘅籃球啟蒙老師對我嘅要求。」
今日賽程
開賽時間：8:00pm
場地:灣仔修頓室內場館
票價:正價票80元/ 40元(長者及學生優惠票)
門票開售時間:今日4:00pm
Follow The Club IG一齊撐本地運動員！
Follow東網體育IG一齊撐本地運動員！
東網體育FB同你追實體壇每個精彩時刻！