【有片】曼聯歐聯力保不失　又係靠迪基亞！

即睇迪基亞完半場前神救：https://goo.gl/1zgaov　

歐聯16強首回合今晨上演嘅矚目大戰，由西維爾主場對曼聯，雖然主隊攻足全場形勢一面倒，偏偏點射都射唔破「紅魔鬼」門神迪基亞，最終悶和0比0，要等次回合分勝負。西維爾之前3次打歐聯16強都未試過贏波晉級，今鋪砌唔低迪基亞，隨時又再無緣8強呀！

曼聯今場令人意外將天價中場保羅普巴收喺後備席，點知擔正嘅安達靴里拉踢咗僅僅17分鐘就傷出，畀到保羅普巴後備登場求翻身嘅機會。不過，成個上半場都係西維爾佔優，好彩迪基亞今場有超神演出，尤其係完半場前先後救出尼桑斯攻門同路爾斯梅利爾嘅6碼頭槌埋門，幫「紅魔鬼」頂住半場。

換邊後，西維爾依然射門唔少，不過都一一逃唔過迪基亞嘅十指關。至於攻勢有限嘅曼聯，雖然有盧卡古曾經入波，但就因為手球在先被判無效，最終雙方悶和0比0。

即上英超刨績王：http://win.on.cc/epl　

東網體育同你追實體壇每個精彩時刻！　

https://goo.gl/ewVpvE