港超聯 4個第1次!東方龍獅輕取香港飛馬

20180224
東網電視
更多新聞短片
東方龍獅周六(24日)在主場旺角大球場迎戰「聯賽二哥」香港飛馬,主隊迎接4個第1次,憑沙巴、吳偉超及般盧建功,齊齊得到加盟後首個入球,最終東方龍獅以3比0擊敗香港飛馬,主帥李健和亦接任後首場勝仗。
希望重回勝軌的東方龍獅甫開賽便積極搶攻,5分鐘先有般盧與鞠盈智撞牆後射高,9分鐘再有李康廉被客軍門將梁興傑撲出。香港飛馬並非一味捱打,惟射手查維斯接應長傳迎頂高出。
東方戰至40分鐘,由中場沙巴推順起腳射入加盟後首個入球,皮球直飛遠柱死角入網,主隊領先1比0。東方希望半場前再下一城,但未能再射破飛馬門將粱興傑十指關。香港飛馬處於頹勢,補時階段更有飛馬主教練楊正光因掟樽,被球證陳銘肇趕上觀眾席。東方半場以1比0領先。
香港飛馬換邊後奪回主導權,惜連番攻勢都未竟全功更差點被東方再下一城,幸門神梁興傑救出曾錦濤勁射。不過,東方於73分鐘找到第2個入球,吳偉超接應角球頂入,為東方拉開比數。
東方其後得勢不饒人,徐德帥76分鐘右路突破,趁梁興傑出迎橫傳助攻般盧。香港飛馬力圖挽回失地,但東方門神葉鴻輝鎮守大門,未讓對手越雷池半步。最終東方龍獅以3比0擊敗香港飛馬,主帥李健和取得上任後首場勝仗。
賽後東方龍獅隊長葉鴻輝表示:「經過新年假期之後,球員信心同狀態都有調整,今場波發揮得唔錯。餘下落嚟嘅比賽盡可能贏波,發揮得好啲,增加球員信心。」
今仗攻入加盟東方後第一球的吳偉超稱:「上次入波係五年前喺飛馬,希望今場可以做好一個榜樣,同後生嘅球員講你永遠都要準備,一有機會上場就要做到最好。希望借入波話畀年青球員知,喺無得踢嗰陣都唔好放棄,一有機會上就話畀人知係得嘅。」