港超聯　和富大埔Vs理文　愈鬥愈精彩！

收看直播，請按東網APP頂部的直播ICON；或按以下直播Link：http://tv.on.cc/live

「中銀人壽香港超級聯賽」今日上演好戲，頭場由4連勝的聯賽「3哥」和富大埔，於大埔運動場迎戰理文。理文教練馮凱文指球隊上仗反勝陽光元朗後士氣大增，有信心能夠搶分。究竟和富大埔繼續威，還是遭理文搶分令連勝斷纜？球迷記得留意東網直播！（東網on.cc周日下午2時30分直播）

上仗在菁英盃分組賽以2比0擊敗夢想FC，並提早取得4強資格的和富大埔，「綠戰士」主教練李志堅表示，期望球隊經過兩周的時間回復後，能有更好表現︰「上場菁英盃對夢想，一對青年球員（趙少維及黃祖心）入波，係我哋好想見到嘅，希望佢哋可以慢慢適應比賽節奏。球隊上場有羅素同梁冠聰停賽，翟廷峯受傷缺陣，今場就有番梁冠聰同翟廷峯復出，令球隊可以有多調動，期望打場好波畀大家睇。」然而，「堅Sir」亦提醒球員不可怠慢︰「對手喺聯賽中游優勢係可以放膽去踢，我哋要打醒十二分精神。」

理文月初在主場遭傑志大炒之後，上仗出戰菁英盃雖然賽前已無緣晉級，但最終仍以2比1反勝陽光元朗，同時粉碎對方出線機會。理文教練馮凱文表示，球隊反勝後士氣大增，惟鼻骨斷裂的顏樂楓完成手術後未能趕及上陣，不過借將林柱機則會復出，希望能為連續兩場有波入的史提芬彭利拿提供更多輸送，取得入球。

史提芬彭利拿連續兩場入波

馮凱文說︰「『光頭』（顏樂楓）需要休息2至3星期，不過球隊除咗佢之外冇其他傷兵，林柱機對球隊作用大，今場會擔任正選。對手各方面都強，佢哋喺主場唔易應付，絕對不容輕視，所以要先做好防守再去突擊。球隊有信心可以搶分，亦希望可以贏波。」