【有片】難得一見！CP3同人擊掌畀球證吹
20180227
東網電視
更多新聞短片
基斯保羅同夏登媽咪擊掌被吹出界。(美聯社圖片)
火箭喺NBA作客以96:85擊敗爵士，占士夏登攻入26分，基斯保羅取得15分，協助火箭升空13連勝，不過CP3喺比賽尾段出現罕見「失誤」，佢運球上前場嘅時候見到夏登媽咪，因為忍唔住同對方擊掌，結果畀球證吹出界，可以話難得一見！
雖然艾歷哥頓因病缺陣，導致火箭陣容更加殘缺，不過占士夏登有26分、11個籃板同5次助攻，加上基斯保羅有15分、6個籃板同7次助攻，包括完場前跳射得手同交出助攻，協助火箭連贏13場，就連夏登都話現時球隊目標係奪得常規賽冠軍。
但可能最近太順，基斯保羅喺完場前準備為火箭完成最後1次進攻時，可能放鬆咗驚戒心，竟然同場邊嘅夏登媽咪擊掌慶祝，雖然當時CP3個波同雙腳都冇掂到界，但由於佢佢隻手掂到「球場外物件」，結果球證當佢失誤吹出界，場面都幾搞笑。
同日，勇士喺NBA作客以125:111擊敗紐約人，3巨頭同時得分20＋，當中史堤芬居里有21分、5個籃板同5次助攻，杜蘭特有22分、9個籃板同4次助攻，奇利湯臣有26分、4個籃板同5次助攻，協助勇士完成3連勝，保住上季總冠軍嘅面子。
最新賽果(左方主場)
鷹隊 104:123 湖人
塞爾特人 109:98 灰熊
籃網 104:87 公牛
紐約人 111:125 勇士
速龍 123:94 活塞
塘鵝 125:116 太陽
雷霆 112:105 魔術
獨行俠 109:103 溜馬
爵士 85:96 火箭
帝王 100:118 木狼
Follow東網體育IG一齊撐本地運動員！
東網體育FB同你追實體壇每個精彩時刻！