港超聯　夢想FC撼東方龍獅未驚過！

「中銀人壽香港超級聯賽」周日（4日）上演兩場賽事，頭場假廣州燕子崗體育場上演，由R&F富力迎戰標準流浪。富力主帥馬里科透露，球隊已正為下季作準備，並希望一眾球員能夠踢出自己的一套足球風格，而流浪總經理馮永成則希望球員能夠學習如何面對逆境。至於尾場賽事方面，則由正陷低潮期的夢想FC假青衣運動場火併東方龍獅。

最近4場聯賽皆告落敗的夢想FC，上周作客以0比1不敵冠忠南區，主教練梁志榮賽後指出，球隊始終是一支新埋班的隊伍，並非外界所想像般特別，只是隊中一眾年輕球員在順境時突然遇到挫折，未能及時調節自己心態。

夢想FC在借將鄭展龍遭傑志收回後，除了在轉會窗重開期間簽下輔鋒廖培楓及守衞梁家希外，亦於前日公布簽下剛與中超球隊貴州恒豐約滿的進攻中場歐陽耀冲，據「細榮Sir」透露，「歐冲」已跟球隊操練接近一周，但相信轉會未能趕及於今仗前完成手續︰「『歐冲』有跟貴州去西班牙季前集訓，目前狀態仲係好似季初咁，所以會喺3月嗰兩個星期嘅休戰期安排兩場友賽，去畀佢重拾比賽狀態同節奏。始終佢有出外嘅經驗，希望佢嘅經驗可以幫到陣中年青球員，同時令球隊進攻方面多啲變化。」

於上周以3比0擊敗香港飛馬的東方龍獅，球隊上仗分別有沙巴、吳偉超及般盧齊齊「開齋」射入加盟後的第一球。主教練李健和於賽後則表示，球隊的防守意識有所加強，是贏波的關鍵︰「球員防守相當集中，其實喺下半場中後段時間有幾次混亂，幾乎畀對方入到波，但係見班球員集中力好好，喺對方起腳嗰吓都擋得到。」

「和哥」亦大讚後備上陣的吳偉超，能夠為球隊保住勝局︰「阿超年紀稍為大啲，但以佢嘅經驗嚟講，我相信喺我哋喺防守方面，球隊夠喺比賽尾段最後30分鐘，正正係需要佢嘅經驗。」至於隊長葉鴻輝則坦言，球隊上半季表現不理想，到了下半季已失去了爭標希望，但希望球隊在餘下賽事均能夠贏波，並且有更好的發揮，從而增加球員的信心。