R.I.P　意大利國腳艾斯托利暴斃

意甲周日未開波先收到傷痛嘅消息，費倫天拿隊長艾斯托利，喺作客烏甸尼斯前夕，喺當地酒店暴斃，年僅31歲。費倫喺官方聲明中只係話急病，意媒就傳呢位意國國腳係突發心臟病離世。烏甸尼斯發出聲明致沉重哀悼，意甲亦決定周日比賽全數改期再戰。艾斯托利同老婆Francesca Fioretti有一個兩歲嘅囡囡。

艾斯托利係AC米蘭青訓出身，2006年升上一隊，但係一直未能爭取正選位置，2008年轉投卡利亞里，2011年首次披上意大利國家隊波衫，2013年洲際國家盃對烏拉圭一戰，攻入其國家隊生涯唯一一個入球。佢兩年前正式轉投費倫天拿，擔任隊長一職。