意甲孖寶榮休艾斯托利13號波衫

意大利國腳艾斯托利，周日隨費倫天拿作客烏甸尼斯，開賽前夕被發現於酒店中暴斃，終年31歲。事年令全球球迷都為之哀傷。他曾效力的費倫天拿及卡利阿里，周二齊齊宣布，將會榮休艾斯托利的13號球衣，向這位長人中堅作最後致意。英格蘭足總亦宣布，喺今個月主場對意大利嘅熱身賽，開波前向艾斯托利致敬。

另外，前AC米蘭青訓教練加利，希望球會向愛徙致意，喺周四對阿仙奴嘅歐霸16強首回合賽事，於球衣號碼下繡上艾斯托利個名。艾斯托利於2001年加入A米青訓系統，喺2006升上一隊，但從未為A米上陣。加利話雖然愛徙未曾為A米上過陣，但佢絕對係米蘭人，希望球會聽從佢同球迷嘅意願，喺歐霸同意甲都着上繡有艾斯托利名字嘅特別版波衫。