港超聯　東方龍獅R＆F富力大激鬥

收看直播，請按東網APP頂部的直播ICON；或按以下直播Link：http://tv.on.cc/live　

本輪「中銀人壽香港超級聯賽」由東方龍獅打頭陣，周五（9日）晚於旺角大球場迎戰R&F富力。「4哥」東方由港足Icon李健和掌帥後逐漸上力，近3戰錄得2勝1和後，「和哥」豪言劍指三甲，氣勢銳不可擋，今仗藉地利火併位列第5的R&F富力，料會一番惡鬥，想緊貼這場矚目之戰，就一定要留意東網on.cc直播！（東網on.cc周五晚8時直播）

目前東方龍獅於聯賽榜以19分排第4，落後第3位的和富大埔5分，想成功後上衝入三甲，今仗面對少踢1場、落後3分的R&F富力，絕對不容有失。上仗東方作客3比0擊敗夢想FC，除了3位入波功臣麥基、般盧及傷愈復出的洛迪古斯交足功課外，其實該仗東方的控球率遠低於對手，但主教練李健和指出憑藉後防打出水準，多次瓦解夢想FC具威脅的攻勢，才是致勝關鍵︰「我哋畀對方控球係咪導致失波呢？咁我又睇唔到係！最主要係我哋先做好自己嘅防守工作，令球隊建立咗信心之後，我哋先去進攻。」

對於迎戰R&F富力，「和哥」表示希望「藍衫軍」能夠保持水平，並以聯賽前3目標進發︰「我見到球員個集中力同紀律都好好，希望佢哋嚟緊可以踢出應有嘅表現，期望可以逼近第3位。」

目前於聯賽榜排第5位的R&F富力，繼2月底不敵傑志後，上輪主場迎戰榜末的標準流浪，憑伊達及基奧雲尼入球曾一度反先2比1，但完場前卻遭流浪後備上陣的鄧樂文射破大門，最終2比2和波，連續2場失分。雖然該仗流浪以「泊大巴」戰術迎敵，富力主帥馬里科對此未有反感，更稱讚對手踢法聰明，卻狠批富力球員浪費了不少入球機會︰「我哋其實有唔少機會，有近20次傳中波機會，但我哋冇將呢啲機會化成入球。如果傑志有咁多嘅傳中機會，好可能已經射入成4、5個球。我唔係期望球隊可以打到呢個水準，但至少要喺有咁多機會嘅時候，需要想辦法去把握呢啲入球機會。」

事實上，若富力勝出這場「6分波」，就可追至與東方同分，如能淨勝兩球或以上，更可憑較佳對賽成績「爬頭」升上第4位，除了贏波3分，富力自不然想入多幾球！兩軍為力爭上游，一場惡鬥在所難免，到底是東方「守有出頭天」，還是富力在馬里科訓示下，球員能把握機會狂風掃落葉？一係入場，一係吼實東網on.cc直播啦！

馬里科想搵華將做指揮官

曾於早前透露已正為球隊下季組軍部署的富力主教練馬里科，除了表示希望下季在個別位置能夠增添新球員外，最希望就在陣中找出一名「場上指揮官」，在關鍵時刻發揮作用，帶領球隊克服難關，並屬意由華將擔任這位領袖。

馬里科指出︰「我哋喺前場有唔少好球員，但係發揮得唔好，球員整體嘅走位都唔夠好。我們喺球場上除咗要解決自身嘅問題外，喺場上仲需要一位領袖，而佢最好係一位華人球員，可以令隊友間喺言語溝通上傳達得更好，因為有時候外援喺場上講英文，其他球員可能會畀唔切反應。」