總結：吃不到的葡萄！大帝話唔志在排名
20180310
東網電視
更多新聞短片
勒邦占士(左)取得25分、10個籃板、6次助攻同3次封阻。(美聯社圖片)
騎士喺NBA作客以102:116不敵快艇，勒邦占士繼續有全能表現攻入25分，可惜即使係咁，佢哋依然全場被壓制慘敗，賽前大帝仲作出吃不到的葡萄宣言，話自己唔志在喺東岸嘅排名，季後賽鍾意作客多過主場，搞到畀網友笑！
大換血後嘅騎士狀態好反覆，今場又好似打回原型咁冇料到。雖然勒邦占士有25分、10個籃板、6次助攻同3次封阻，依然一直落後，洛迪里賀迪更加喺完半場前傷出，結果騎士遭遇2連敗，已經好難喺東岸追到帶頭嘅速龍同塞爾特人。
賽前勒邦占士咁話：「聽住，對我嚟講，第6名或者第3名，第2名或者第8名都冇關係，假如我哋第1場季後賽要作客，我反而會更加有拚勁。」其實勇士教練卡爾都講過西岸首名唔重要，但積蒙格連都話，邊個話唔想做No.1，其實都係講大話！
同日，火箭作客以105:108不敵速龍，占士夏登有40分、2個籃板同4次助攻，包括喺完場前博到兩個罰球同射入高難度後撤3分，協助火箭喺半場落後15分下燃起贏波希望，可惜夏登喺完場前最後一擊嘅超遠距離3分射空氣，導致火箭17連勝結束。
最新賽果(左方主場)
活塞 99:83 公牛
溜馬 112:87 鷹隊
速龍 108:105 火箭
灰熊 78:95 爵士
公鹿 120:112 紐約人
塘鵝 97:116 巫師
金塊 125:116 湖人
拓荒者 125:108 勇士
帝王 94:88 魔術
快艇 116:102 騎士
Follow東網體育IG一齊撐本地運動員！
東網體育FB同你追實體壇每個精彩時刻！