港超聯　陽光元朗激鬥和富大埔

「中銀人壽香港超級聯賽」周日（11日）安排兩場激戰，頭場假「大陂頭」元朗大球場上演「新界打吡」，由最近士氣高昂的陽光元朗迎戰「3哥」和富大埔，雙方主帥於賽前互派高帽，並認為對方擁有一定實力或優勢，雙方均預料今仗會有一番惡鬥！至於尾場則由夢想FC於青衣運動場恭候聯賽「2哥」香港飛馬。

最近3場聯賽錄得2勝1和的陽光元朗，聯賽排名由尾二升至目前的第6位。雖然「橙衫軍」最近兩仗均以2比1的比數險勝標準流浪及冠忠南區，但主教練曾昭達則認為球隊在護級壓力得到舒緩後，球員表現和球隊的氣氛已有所改善︰「雖然上場係贏得驚險咗啲，但可以喺落後情況追番兩球，表現都算係唔錯，依家壓力相對少咗，球隊喺士氣提升後都有進步。」對於元朗今仗有隊長法比奧今季累積5面黃牌而停賽，「達Sir」則希望球員能夠踢出拼勁︰「今場冇咗經驗豐富嘅法比奧鎮場，再加上對手之前曾經連贏過5場，實力亦比我哋強，必定好難應付，希望班球員可以踢出活力，大家多跑一步去踢場好波畀大家睇。」

上周於主場以1比4不敵傑志，並令球隊5連勝紀錄告終的和富大埔，主教練李志堅坦言「藍鳥」該仗有好的發揮，再加上球隊常規正選羅素於比賽前夕落實離隊及大衞拉菲爾受傷，球隊在多種不利因素影響下而落敗。然而，「堅Sir」則表示希望球員能夠振作，更強調今仗不易應付︰「球隊之前連贏5場，令大家喺上場建立咗一啲期望，雖然最後呢個比數感覺上係比較難消化，但係球隊喺今場之後聯賽都喺主場踢係個優勢嚟。我希望球員可以盡快將上一場忘記咗佢，因為今場會幾難打，始終對手喺主場已經兩連勝，班球員可以放鬆啲打，而我哋喺搶分上有一定壓力，不過呢啲係球隊必須經過嘅情況嚟，希望球員可以重新振作。」