菁英盃 東方龍獅陽光元朗再鍊過!

20180317
東網電視
更多新聞短片
東方龍獅陽光元朗再鍊過!
菁英盃分組賽周六(17日)下午戰火重燃,頭場由R&F富力於元朗大球場迎戰冠忠南區,尾場則由東方龍獅在旺角大球場對陣陽光元朗。雖然4隊都已無緣出線,但R&F富力易帥後首仗就要惡鬥狀態回勇的冠忠南區,能否打響頭炮,則要看新帥吳耀星的功力。另邊廂,東方龍獅近況極佳,今季內第4次鬥陽光元朗,雙方在分組賽同樣錄1和2負尚未「開齋」,為面子而定必搏甩髀!
菁英盃尾場由取得聯賽3連勝的東方龍獅將於旺角大球場迎戰陽光元朗,雙方今季曾3次碰頭,各錄得1勝1和1負,兩軍近況上佳,東方龍獅近3場入11球兼零失球,而陽光元朗則取得2勝1和。
近況極佳的東方龍獅今仗有防守中場梁振邦停賽,主教練李健和指影響有限:「我哋仲有迪高、白鶴,雖然白鶴狀態冇『傻邦』咁好,但都影響不大。」由於身處英國的茹子楠正值考試期間,未能回港作賽,預料東方今仗將派出李嘉華和北村祝任正選。雖然今場比賽屬「例行公事」,但「和哥」表示要尊重對手:「雖然個戰果對我哋影響唔大,我會換啲少踢嘅球員落場,但係始終要重視比賽,都要向入場嘅球迷交代。」
至於陽光元朗,王牌射手艾華頓腳風極順,配合雲迪奴域合力攻堅,這對組合近3場共攻入5球,其攻擊力相當有保證。惟元朗今役後防有隱憂,正選中堅杜馬思、余煒廉停賽,主教練曾昭達表示:「整體部署上會有調整,中堅位置會用黃炎堃頂上。我哋喺菁英盃已經出咗局,所以今場會畀主力、傷兵休息下。另外亦希望畀少上陣嘅球員落場,尤其係傷愈復出嘅陳衍光,佢需要一場正式比賽去提升狀態,佢會係今場正選。」
「東方王朝」經典重現!
繼季初發售復刻版球衣後,再推出復刻版外套。復刻版外套早前已在聯賽對R&F富力一役亮相,會徽用上90年代「東方王朝」時的設計,手臂上更印有「Forever Blue」。這件外套將於周六(17日)的菁英盃賽事開售,會員價$500、非會員價$550。