菁英盃　東方龍獅陽光元朗「不勝」畢業

菁英盃周六（17日）上演A組賽事，由東方龍獅於旺角大球場迎戰陽光元朗，雙方各踢半場好波，惟多次機會未能把握，最終以0比0完場，同樣以2分完成今屆菁英盃賽事。

上半場陽光元朗佔上風，開賽6分鐘皇牌射手艾華頓傳中，接應的雲迪奴域炒高。17分鐘，雲迪奴域窩利抽射被東方龍獅門將何國泉抱實。5分鐘後，祖連奴推順起腳，同樣過不了何國泉。其後，艾華頓先在26分鐘接應祖連奴短傳射高，再於35分鐘主射罰球僅僅柱邊出界。37分鐘受壓的東方龍獅搶回攻勢，黃梓浩左路傳中，惟省中對手中楣，門前的洛迪古斯又未能補中，錯失先開紀錄的黃金機會。上半場尾段，白鶴和黃梓浩先後遠射均未能射破陳嘉豪的十指關，雙方半場互交白卷。

下半場東方龍獅較主動，50分鐘黃梓浩左路出擊，窄位狂抽被陳嘉豪撲出。1分鐘後，徐德帥開出罰球，中堅吳偉超迎頂笠入，惜越位在先，慘食詐糊。及後雙方於中場拉鋸，至72分鐘艾華頓近門起腳被何國泉沒收。東方龍獅前鋒林學曦76分鐘後備上陣，隨即為元朗後防製造麻煩，他右路推大位勁射，惟角度太正被陳嘉豪一抱入懷。88分鐘，徐德帥開出罰球，迪高迎頂僅越楣而過。補時階段，東方獲黃金入球機會，惟井川祐輔近門射高，球證隨即鳴笛完場，雙方和氣收場，同樣以2分完成今屆菁英盃賽事。

賽後陽光元朗主教練曾昭達表示今仗有兩個收穫：「第一個收穫就係之前少踢嘅球員出嚟攞返個狀態，亦都見到表現幾好嘅。第二個收穫就係我開心見到我哋嘅華人都踢得幾好。」下半場末段陽光元朗僅留用艾華頓一名外援，「達Sir」稱：「想畀啲再年青啲嘅球員踢下，我覺得香港需要多啲華人球員，既然係一場例行公事，點解唔畀機會佢哋呢？我都幾滿意佢哋嘅表現。