【亞洲盃爭出線】黃威：等睇我哋創造歷史！

為備戰亞洲盃出線生死戰，香港隊周三（21日）於晒草灣遊樂場進行出發前最後一課操練，獲民政事務局體育專員楊德強、香港足球總會行政總裁薛基輔、主席梁孔德到處支持，而中場黃威揚言：「希望大家等我哋創造歷史！」

曾因受傷錯失世界盃外圍賽機會的黃威透露，自己已經準備好：「上次世界盃外圍賽受傷，今次踢亞洲盃外圍賽都算係自己第一個大賽，自己喺之前幾場波都學咗好多嘢，以前自己代表香港隊踢友誼賽都會怯場，今次自己喺香港隊個信心大咗好多，已經準備好晒！」

今仗為決定亞洲盃出線的生死戰，黃威期望爭取勝仗：「正如輝哥（廖俊輝）所講，作客贏到北韓，可以創造歷史。」是次決選名單中出現新面孔，黃威指問題不大：「其實默契都唔成問題，新面孔可能廷峯（翟廷峯）喺球隊都合作開、劉學銘之前喺青年軍、深水埗，問題都唔會大。」

這次將會是黃威第一次到北韓，他表示「未驚過」：「雖然未去過北韓，但我諗都唔會好似人哋講到咁恐怖，始終宜家個社會都好文明啦，所以應該都唔會有咩擔心。」問及倘若取得勝仗，會否再鏟光頭，他卻有點猶豫：「睇下點啦，鏟光頭幾時都鏟得。」

此外，前鋒佐迪稱：「這場比賽對我們來說很關鍵，關係到能否出線亞洲盃，我不會去想太多，最重要是取得三分。我希望為他們帶來歡樂，以報答他們對香港隊的支持。」