叱咤五人足球界 栢禧靠個「信」字

如果有留意NIKE五人足球賽，必定聽過「栢禧」這個名字。歷年來奪得多個獎項，不少現役港超球員如顏樂楓、黃威、謝朗軒及黃駿軒等，都曾是「栢禧仔」，甚至香港五人足球代表隊隊員廖憶誠，亦是出身自「栢禧」。一切都要歸功他們背後的男人——何信賢教練。

正職為運輸署公務員的何信賢教練，是少有專注於五人足球的教練，選擇五人足球，原來始於一個畫面：「我1992年上教練班，咁啱嗰陣香港有個五人足球世界盃，我覺得好快速，只需要好少球員就做到咁高水平嘅賽事。作為一個教練，見到啲咁高水平嘅球員喺度踢波，喺一個咁狹窄嘅球場做到高難度動作，對呢項運動產生好濃厚嘅興趣。」其後何Sir便組織「栢禧」這支球隊，並以NIKE五人足球賽為主要目標：「香港五人足球比賽機會較少，而NIKE五人足球賽係一個好好嘅平台，畀我哋去發揮。」

慘敗激發教練何信賢做好啲

現時的「栢禧」已成「眾矢之的」，任何一隊都想擊敗「栢禧」。然而「栢禧」能夠有今天的成就，只因經歷過低潮，讓何Sir決意要做得更好：「當年我哋第一年踢U14，對阿仙奴青年軍，我哋畀人大炒，以前我帶佢哋爭好多冠軍，嗰場波直情係畀人蹂躪，但我好欣賞班小朋友嘅鬥心，我哋鬥志完全冇輸到，激發我要做好啲五人足球。」

能夠叱咤五人足球，何Sir表示全因個「信」字：「可能班球員覺得『栢禧』喺五人足球界好出名，但佢哋未見過我，我會好坦白講：『我哋唔係大會、冇資源，靠我自己搵場地、冇集訓，希望大家肯犧牲私人時間，踢一隊細球會。』所以我好感激佢哋信任我。」何Sir同時亦多謝家長支持：「我亦好多謝一班家長，佢哋知道我好專心帶波，唔會騷擾我。」

何Sir：小朋友唔可以亂鬧！

常言道「嚴師出高徒」，問及香港五人足球代表廖憶誠與何Sir相處點滴，他表示：「有次我扭晒4個場區球員，單對單面對守門員，有個隊友面對空門，我選擇自己射冇傳波，結果射失咗，之後比賽繼續，但何Sir即時捉我去場邊鬧到我喊。自己諗通咗就覺得佢鬧得啱，依家到自己教波，呢一幕仲好記得，成日同啲細嘅『栢禧仔』分享。」

當日的畫面何Sir記憶猶新：「我覺得小朋友唔可以亂鬧，我唔係成日鬧佢，其他小朋友都係。因為球波好關鍵，但佢嗰刻唔信任隊友，我想改善佢呢個毛病先開聲。」

●NIKE五人足球賽賽程

【4月7日（周六）】

11:00am至5:05pm

U8至U18各級8強及4強賽事

5:30pm至9:40pm

公開組分組賽及8強賽事、U20組8強賽事

【4月8日（周日）】

9:00am至1:45pm

各級4強及名次賽賽事

2:10pm至6:40pm

各級決賽賽事