足總盃　標準流浪同和富大埔鍊過

收看直播，請按東網APP頂部的直播ICON；或按以下直播Link： http://tv.on.cc/live　

周六（7日）足總盃率先上演兩場8強好戲，由聯賽「3哥」和富大埔於旺角大球場，對正為護級而努力的標準流浪。面對處於聯賽榜末的標準流浪，「綠戰士」主教練李志堅提醒球員不可鬆懈。流浪教練蘇洋則期望球隊今季餘下比賽都能搏盡踢好波。（東網on.cc周六下午5時30分直播）

和富大埔在3場不勝後終在上輪聯賽擊敗東方龍獅，「綠戰士」季初曾表示全力爭取足總盃冠軍，主教練李志堅賽前說：「我覺得盃賽係一場一場計，無論對邊隊都係一樣，都要認真應付，目標當然係贏啦！」

蘇洋：唔會為聯賽留力

儘管大埔只有馮慶燁一名傷兵，陣容相對完整，面對標準流浪，「堅Sir」揚言不會輕敵：「職業球員唔應該有呢種態度，我相信球員一定盡力踢好每一場波。其實我哋每一條戰線都想打好，餘下賽事盡做啦，做到幾多得幾多，我哋冇條件放鬆。」問及會否採取主攻策略，「堅Sir」稱：「我哋戰術都唔會點變，有機會嘅時候就攻多啲，受壓嗰時就要守，踢波一向都係咁。」

現於聯賽敬陪末席的標準流浪，上仗主場對冠忠南區初段持續受壓，但面對多番攻勢尚可化險為夷，直至主力中堅莫斯奧戰至30分鐘因傷退下火線，才於完半場前失守，換邊後再失兩球，未能扭轉敗局。教練蘇洋透露目前仍有待確認莫斯奧的傷勢，但強調不會因為需要護級而在盃賽留力︰「始終莫斯奧係球隊後防一個好重要嘅球員，上場比賽受傷對隊波好大影響。佢受傷後需要喺戰術方面有所調整。不過肯定嘅係，無論盃賽定聯賽，球隊都會盡力而為。」