港超聯　麥基絕殺！東方龍獅落後兩粒反勝

「中銀人壽香港超級聯賽」周六（14日）下午於旺角大球場上演的賽事，於半場落後兩球的東方龍獅，憑着白鶴、洛迪古斯及麥基三人於下半場各入一球，以3比2反勝理文。

隊中有多名傷兵在陣的東方龍獅，今仗安排小將茹子楠首次於聯賽上陣，而這位19歲翼鋒於開賽5分鐘於禁區內接應般盧橫傳起腳，被陸平中救出。客軍理文於比賽初段便連入兩球，白鶴於11分鐘意圖大腳解圍卻省中隊友，史提芬彭利拿在截得皮球後傳給謝朗軒施射入網，而林柱機則於16分鐘右路開出罰球，顏樂楓把握敵衞於門前頭槌解圍不遠射成2比0。東方龍獅戰至35分鐘幾乎將比數拉近，林學曦右路接應般盧妙傳窄位起腳，但被域陀快一步及時解圍，最終理文帶着兩球的領先優勢進入更衣室。

落後兩球的東方龍獅於換邊後不久便追回一球，般盧戰至50分鐘左路突破於禁區內短傳予白鶴，後者在無人看管下近門一控一射建功。主隊隨後於59分鐘分別換入洛迪古斯及麥基加強火力，雖然前者在上陣不足1分鐘後接應白鶴開出罰球近射被陸平中接實，但兩人隨後於63分鐘合力泡製扳平的一球，由麥基右路傳中予洛迪古斯頭槌頂成2比2。東方龍獅戰至78分鐘幾乎反超前，般盧右路扭過幾名敵衞後，於禁區內意圖挑傳越過對手，惟羅港威於門前未能以頭槌接應，而麥基隨後則於88分鐘亦有一記頭槌攻門高出。正當兩隊看似打成平手之際，麥基把握一個反擊功勢，並接應般盧妙傳，將比數改寫為3比2完場。

剛於比賽日年滿31歲的麥基於賽後表示感到高興︰「能夠喺生日入波，仲要係完場前一球，我感到好開心。特別以球隊今季走勢嚟講，依家每一場勝利都對我哋意義重大，贏波亦可以令球迷值得高興。般盧亦傳得好靚，球隊今季喺落後情況下戰況都係一般，能夠喺落後兩球反敗為勝，係團隊上下努力得來嘅結果。」

理文教練林慶麟於賽後表示，雖然對於遭對手反勝感可惜，但指出球員的心理質素有待改善︰「球隊領先兩球，下半場後防有些少唔集中，有一啲大意嘅錯誤導致失波。球員喺面對如果後尾球角球處理得好啲，唔好咁心急，都未必會畀人哋打到反擊。球員唔夠經驗，喺臨尾嘅關鍵時刻處理得唔好，一面對逆勢就克服唔到。」