田家炳體育精神盃　浸大叻仔奪標

「田家炳體育精神盃」周日（15日）進行最後一天的賽事，經連番激戰，最終由香港浸會大學封王，而職訓局、香港科技大學則分別獲得亞軍與季軍。而主辦單位特設的「體育道德風尚獎」則由東道主香港公開大學奪得。

香港公開大學副校長唐創時於今屆賽事擔任頒獎嘉賓，對於學校能夠獲得「體育道德風尚獎」，他表示喜見公大學生表現出體育精神：「今次比賽其實都係田家炳基金德育教育嘅一部分，喺品德教育之中，我覺得最重要係體育精神。大家去比賽都好想贏，但係贏都一定要體現到體育精神、尊重對手先有意思。所以我覺得雖然公開大學喺比賽輸咗，但最低限度佢哋畀人睇到我哋有體育精神。」問及未來會否再舉辦體育活動，唐副校長稱：「我最近睇到個閃避球比賽，好處在於可以男女一齊參與，如果公開大學幫到手，我哋喺好樂意嘅。」

香港浸會大學在第三階段比賽中，憑呂尚智、梁汝軒的入波以2比1擊敗香港科技大學。其後與職訓局的一戰中，在先落後的情況下，與對手追至4比4平手互射點球，雙方頭兩輪都成功破網，戰至第三輪，職訓局李嘉豪的射門被浸大門將李士柏擋出。由於雙方在同分、得失球差相同的情況下，浸大憑互射點球勝出是次賽事冠軍。

賽後浸大教練林曉峰欣喜球員團結：「我哋好多球員比較少參加五人比賽，以往喺十一人比賽成績都係一般，今次有成績之餘，球員又好團結，一直喺練習嘅過程都希望可以打好啲，雖然冇諗過攞冠軍，但係大家都好珍惜今次機會。」他續指：「另外，今次比賽想多謝田家炳基金會、公開大學舉辦賽事，無論喺場地定安排都做得好好。」