亞冠盃 朱Sir︰對全北要謹慎應戰

20180416
東網電視
更多新聞短片

【何彥霆南韓直擊】於周日(15日)抵達全州備戰周三晚(18日)亞冠盃分組賽E組賽事的傑志,在到埗後經過一晚的休息後,球隊周一(16日)在大約12度的氣溫下,於全州世界盃體育場副場進行了約1小時的首課操練,操練內容以恢復球員狀態及一些傳球的訓練為主。
球隊主教練朱志光表示,希望能夠在最後一場的分組賽踢出好表現︰「雖然我哋小組出線係冇機會,但係我哋都想打場好啲嘅波。當然係有困難嘅,因為對手要攞首名,佢哋唔想直接對恒大。」對於球隊上次全場對全北汽車慘遭對手大炒6比0,到了現在於最後一輪分組賽作客再遇對手,「朱Sir」則認為一眾球員已有所警惕,但仍不忘再次提醒球員需要謹慎防守︰「上一場(對全北)我哋嘅比賽初段好早就失守波,導致整場比賽都好困難。其實比賽個內容都唔錯,過程中我哋都有好多埋門,但係我哋失咗波先。球員變咗踢得冇咁流暢,因為要追番個紀錄,變咗臨尾下半場再輸多球。呢個紀錄對球員都反映到,佢哋之後嗰幾場要點樣應付,要好謹慎咁開波。我希望去到禮拜三初初都係謹慎少少,之後再睇吓有冇機會偷到雞。」
至於前鋒佐迪則表示,雖然全州當地天氣不算太冷,比起較炎熱的天氣更容易接受,他亦指球隊上下要在應付多條戰線的同時,在每場賽事也要交出100%的表現難免會有困難,但現在球隊於港超聯賽提早封王,令球員可以更加專注應付其他盃賽。