冰島想贏阿根廷？古莊臣：點阻到美斯呀！

即上英超刨績王：http://win.on.cc/epl

冰島喺年前歐國盃打得頭頭是道，但係喺古莊臣心目中，冰島想喺世界盃分組賽爆冷贏阿根廷，可以話點只發夢咁簡單！

冰島喺今夏世界盃同阿根廷同處D組，呢位效力過車路士、巴塞嘅冰島名宿，早兩日為本國電視台遠赴阿根廷，採訪當地足球發展探聽軍情嗰陣，接受阿根廷傳媒訪問猛認低威，原因係阿根廷擁有美斯，冰島根本好難做到巨人殺手：「如果美斯處於最佳狀態，就唔可能阻止到佢。」所以冰島要贏阿根廷「唔只發夢咁簡單」，事關「阿根廷國家隊擁有世界上任何球隊都希望擁有嘅球員」！

對於阿根廷早前友賽畀西班牙以6比1打爆，古莊臣就認為冇乜所謂：「比數係誇咗啲，但係友誼波嘅勝負唔使咁擔心喎，美斯都冇踢，唔係咁緊要啫。」

Follow東網體育IG一齊撐本地運動員！

http://bit.ly/2EYxoRh

東網體育FB同你追實體壇每個精彩時刻！