倒戈史浩克　奇雲保定被炒嬲到依家

即上英超刨績王：http://win.on.cc/epl　

德甲球隊法蘭克福會喺周三深夜德國盃硬撼史浩克04，其中法蘭克福中場奇雲保定，就曾經喺2015年12月，喺佢當年效力史浩克期間，畀球會以「缺乏互信」為理由停賽半年之後，正式炒魷，到依家佢有機會倒戈史浩克，呢位加納球星就話當年事件仲係令佢記憶猶新，感覺好似畀人打面一樣：「呢個係我經常想起嘅地方，感覺就好似畀佢用拳頭打面一樣。佢令我認識到，好多事情當運作順利，一切都似係好好，只係一旦情況逆轉，你會隨時被丟棄囉！當日（被炒）係我人生低點，但我依家可以挺起胸膛感覺自豪，因為當日我由低谷走出，然後將所有失意轉化成正能量，走到今日。」奇雲保定話自己從新開始，反而過得仲好，而佢今次希望可以將史浩克打低，帶領法蘭克福殺入決賽。

Follow東網體育IG一齊撐本地運動員！

東網體育FB同你追實體壇每個精彩時刻！