得罪美斯 阿根廷世盃初選伊卡迪冇份
20180417
東網電視
更多新聞短片
即上英超刨績王：http://win.on.cc/epl
之前球王美斯講過，如果今屆未能協助阿根廷奪得世盃，佢就會退出國家隊，因此主帥森柏奧利會選乜嘢人拍住呢位球王，備受關注。國際足協要求各隊要喺5月14日前，先交一份35人大名單，再喺6月4日交出終極23人參賽名單，但阿根廷傳媒收到風，話主帥森柏奧利已經落實其中34人，美斯、阿古路、迪馬利亞梗係有份，而喺中超搵食嘅老臣子馬斯真蘭奴亦榜上有名，不過啱啱協助聖日耳門於法甲封王嘅中場柏斯托尼，以及今季喺意甲轟入24球嘅國米神鋒莫路伊卡迪，意外冇份。不過之前幾次國際賽期，森柏奧利都冇召伊卡迪，有傳因為佢早年勾二嫂，撬走美斯老友麥斯盧比斯個老婆，搞到畀球王打小報告封殺佢，早知今日，何必當初呢。
東網體育同你追實體壇每個精彩時刻！