亞冠盃 朱Sir寄語球員搏盡

2018年04月17日 16:05
東網電視
更多新聞短片

【何彥霆南韓直擊】於上輪亞冠分組賽賽事遭天津權健以1比0絕殺的傑志,目前於E組得3分暫列小組榜末,無緣進身賽事16強,球隊周二(17日)於全州世界盃體育場作賽前最後一課操練。儘管最後一輪分組賽對「藍鳥」而言已是例行公事,但主教練朱志光則希望球員不要太在意於賽果,並在面對強敵時能夠拚命爭取好的表現︰「我哋經過咗幾場嘅比賽,同埋我哋夾住啱啱過去一周攞到聯賽冠軍,希望啲球員唔好因為攞咗個冠軍就放鬆。聽晚(18日)有一場高水平嘅比賽,唔好理個紀錄係點樣,因為就算我哋贏都出唔到線,但係我哋都要放低呢樣嘢。希望聽晚(18日)打一場好嘅比賽。主隊係一隊好強嘅對手,我哋希望球員落到場小心應付對手由防守轉進攻,佢哋喺呢方面係做得好好,呢一點球員都要警惕住。」「朱Sir」亦透露,今仗會給予對柏雷素爾一仗射入致勝球的鄭展龍上陣機會︰「雖然主隊好強,但我都寄望『龍仔』(鄭展龍)喺聽日(18日)有啲好嘅表現,同埋用一個平常嘅心態去應付一場國際比賽。呢一個係佢好好嘅經驗,我唔期望佢踢到好好,但係我希望佢有一個穩定嘅演出。」